Ajab Pagal Si Larki Hai


Ajab Pagal Si Larki Hai
Ajab Pagal Si Larki Hai
Mujhay Her Khat Main Likhti Hai
“Mujhay Tum Yaad Kertay Ho?
Tumhain Main Yaad Aati Hoon?”
Meri Baatain Satati Hain
Meri Neendain Jagati Hain
Meri Aankhain Rulati Hain
December Ke Sunehri Dhoop Main Abb Bhi Teheltay Ho?
Kisi Khamosh Rastay Se
Koi Awaaz Aati Hai?
Thatharti Sard Raaton Main
Tum Abb Bhi Chhatt Pe Jaatay Ho?
Falak Ke Sab Sitaroon Ko
Meri Baatain Sunatay Ho?
Kitabon Se Tumharay Ishq Main Koi Kami Aai?
Ya Mairi Yaad Ki Shiddat Se Aankhon Main Nami Aai?

Ajab pagal Si larki hai
Mujhay Her Khat Main Likhti Hai..

Jawaban Us Ko Likhta Hoon..
Meri Masroofiyat Daikho Subah Se Shaam Office Main
Chiragh-E-Umer Jalta Hai
Phir Us K Baad Duniya Ki
Kae Majbooriyan Pao`N Main Bairi Daal Rakhti Hain
Mujhay Bay-Fikr, Chahat Se Bharay Sapnay Nahin Dikhtay
Tehelnay, Jagnay, Ronay Ki Mohlat Hee Nahin Milti
Sitaroon Se Millay Arsa Hua..Naraz Hon Shayad
Kitaboon Se Shaghaf Maira Abhi Waisay He Qayem Hai
Farq Itna Parra Hai Ab Unahin Arsay Main Parhta Hoon
Tumhain Kis Ne Kaha Pagli Tumhain Main Yaad Kerta Hoon
Ke Main Khud Ko Bhulanay Ki Musalsal Justajoo Main Hoon
Tumhain Na Yaad Aanay Ki Musalsal Justajoo Main Hoon
Mager Yeh Justajoo Meri Bohat Nakaam Rehti Hai
Mere Din Raat Main Abb Bhi Tumhari Shaam Rehti Hai
Mere Lafzoon Ki Her Mala Tumhare Naam Rehti Hai
Tumhain Kis Ne Kaha Pagli Tumhain Main Yaad Kerta Hoon
Purani Baat Hai Jo Log Aksar Gungunatay Hain
Unhain Hamm Yaad Kertay Hain Jine Hum Bhool Jatay Hain

Ajab Pagal Si Lerki Ho
Meri Masroofiyat Dekho

Tumhain Dil Se Bhulaon Tu Tumhari Yaad Aaye Na
Tumhain Dil Se Bulanay Ki Mujhay Fursat Nahin Milti
Aur Iss Masroof Jeewan Main
Tumahray Khat Ka Ik Jumla

“Tumhain Main Yaad Aati Hoon ?”

Meri Chahat Ki Shiddat Main Kami Hone Nahin Deta
Bohat Ratain Jagata Hai Mujhe Sonay Nahin Deta
So Agli Baar Apnay Khat Main Yeh Jumla Nahin Likhna
Ajab Pagal Si Larki Hai Mujhay Phir Bhi Ye Likhti Hai
Mujhay Tum Yaad Kartay Ho Tumhain Main Yaad Aati Hoon ?

Search This Blog